پنجاب کے سکولوں میں واحد قومی نصاب کا دوسرا مرحلہ نافذ

 

پنجاب اگلے سال واحد قومی نصاب کا دوسرا مرحلہ نافذ کرے گا۔

پنجاب کی کابینہ کمیٹی برائے قانون سازی نے صوبے میں آئندہ تعلیمی سال سے سنگل نیشنل کریکولم (SNC) کے فیز II کے نفاذ کے فیصلے کی منظوری دے دی ہے۔

اس حوالے سے صوبائی وزیر قانون و پارلیمانی امور محمد بشارت راجہ کی زیر صدارت اجلاس ہوا جس میں ایس این سی کے نفاذ کا فیصلہ کیا گیا۔

یہ بھی پڑھیں...

پاکستان میں بی اے،بی ایس سی داخلہ 2022

اجلاس میں وزیر قانون خرم شہزاد ورک اور وزیر مواصلات و تعمیرات علی افضل شاہی نے بھی شرکت کی۔

کمیٹی کو بتایا گیا کہ پہلے مرحلے کے دوران صوبے میں پہلی سے چھٹی جماعت کے لیے یکساں نصاب شروع کیا جا چکا ہے۔ دوسرے مرحلے میں اسے اردو، انگریزی، ریاضی، جغرافیہ، جنرل سائنس اور کمپیوٹر سائنس کے مضامین میں 6 سے 8 کلاسوں کے لیے متعارف کرایا جائے گا۔

اجلاس میں چیئرمین راجہ نے 18ویں ترمیم کی ایک شق کا حوالہ دیا اور کہا کہ اس اقدام سے تمام طلبہ امتیازی سلوک کے بغیر یکساں معیاری نصاب پڑھ سکیں گے۔

گزشتہ ماہ، پنجاب کے سکول ایجوکیشن ڈیپارٹمنٹ (SED) نے پہلی جماعت سے میٹرک تک صوبے کے نصاب میں 20 فیصد کمی کرنے پر اپنا کام شروع کر دیا تھا۔

یہ بھی پڑھیں

پنجاب میں موسم سرماکی تعطیلات کے شیڈول کا اعلان

اطلاعات کے مطابق، SED تمام متعلقہ بورڈز آف انٹرمیڈیٹ اینڈ سیکنڈری ایجوکیشن (BISEs) کو شامل کرنے کے بعد اس بارے میں حتمی فیصلہ کرے گا اور مقررہ وقت میں اس کا باضابطہ اعلان کرے گا۔

طلباء اور ان کے والدین نے صوبائی حکومت کے فیصلے کو سراہا اور کہا کہ اگر یہ کم نہ کیا جاتا تو طلباء پر بہت زیادہ بوجھ پڑتا۔