پنجاب کے اسکول کے طلباء کو اس سال گرمو ں کی چھٹوں کا ہوم ورک پر پابندی لگنے کا امکان

Punjab school students are likely to be banned from doing homework during the summer holidays this year || ilmyDunya.Com

پنجاب ٹیکسٹ بک بورڈ (PTB) نے ابھی تک صوبے بھر کے سرکاری سکولوں کے طلباء کے لیے سنگل نیشنل کریکولم (SNC) کے تحت نیا نصاب شائع نہیں کیا۔

24 نیوز نے رپورٹ کیا کہ نئے نصاب کی عدم دستیابی نے اساتذہ میں تشویش پیدا کر دی ہے۔ انہیں خدشہ ہے کہ طلباء کو نئے تعلیمی سال کا نصاب گرمیوں کی تعطیلات سے پہلے نہیں مل سکے گا جس کا مطلب ہے کہ ان کی گرمیوں کی چھٹیوں کے دو مہینے ضائع ہو جائیں گے۔

تفصیلات کے مطابق صرف لاہور میں زیر تعلیم پانچ لاکھ سے زائد بچوں کے لیے تیس لاکھ سے زائد کتابیں درکار ہوں گی۔ دو ماہ میں اتنے بڑے پیمانے پر کتابوں کی اشاعت ٹیکسٹ بک بورڈ کے لیے مشکل کام ہے۔

دوسری جانب نجی سکولوں میں نئے تعلیمی سال کا آغاز ہو چکا ہے۔

محکمہ سکول ایجوکیشن پنجاب کا کہنا ہے کہ نصابی کتب کی چھپائی جاری ہے۔ موسم گرما کی تعطیلات کے دوران کتابوں کی فراہمی ممکن بنائی جائے گی جبکہ نیا تعلیمی سال یکم اگست سے شروع ہوگا۔ 

واضح رہے کہ ایس این سی کو مرحلہ وار ملک بھر میں نافذ کیا جا رہا ہے۔ پہلے مرحلے میں، اگست 2021 میں پہلی سے پانچویں جماعت کے لیے یکساں نصاب متعارف کرایا گیا تھا۔ اسے اس سال اگست میں VI سے VIII تک، اور 2023 میں کلاس IX تا XII کے لیے متعارف کرایا جائے گا۔