سرکاری سکولوں میں اساتذہ کی ایک لاکھ آسامیاں

سرکاری سکولوں میں اساتذہ کی ایک لاکھ نشستیں خالی ہیں 

One Lakh Seats of Teachers in Govt. Schools are Vacant || ilmydunya.com

پنجاب کے سرکاری سکولوں میں اس وقت اساتذہ کی ایک لاکھ نشستیں خالی ہیں جس کی وجہ سے سرکاری سکولوں میں دی جانے والی تعلیم کا معیار بری طرح متاثر ہوا ہے۔ وزیر اعلیٰ پنجاب اور وزیر برائے سکول ایجوکیشن سمیت سرکاری افسران متعدد بار اعلان کر چکے ہیں کہ بھرتی کا عمل جلد شروع ہو جائے گا۔ لیکن متعدد اعلانات کے بعد بھی سرکاری طور پر بھرتی کا عمل شروع نہیں کیا گیا۔ 

اساتذہ کی کمی کے باعث اساتذہ کے سکولوں کی کارکردگی متاثر ہو رہی ہے۔ بھرتی کے لیے مختلف تجاویز پیش کی گئیں۔ نیشنل ٹیسٹنگ سروس این ٹی ایس اور پنجاب پبلک سروس کمیشن کے ذریعے اساتذہ کی خدمات حاصل کرنے کی تجویز دی گئی۔ حال ہی میں وزیر سکول ایجوکیشن ڈاکٹر مراد نے اعلان کیا کہ 16,000 اساتذہ کی بھرتی جلد شروع ہو جائے گی، لیکن یہ ابھی تک زیر عمل ہے اور اس سلسلے میں کوئی عملی پیش رفت نہیں ہوئی۔ پنجاب کے سرکاری سکولوں میں اساتذہ کی بھرتی میں کافی وقت لگا ہے۔

پنجاب ٹیچرز یونین نے مطالبہ کیا کہ اساتذہ کی کمی پر قابو پانے کے لیے فوری طور پر بھرتی کا عمل شروع کیا جائے۔ سکولوں میں اساتذہ کی کمی کی وجہ سے اساتذہ پر بہت زیادہ دباؤ ہے جس سے اساتذہ کی کارکردگی بھی متاثر ہوتی ہے۔ محکمہ جو چاہے طریقہ اختیار کرے لیکن طریقہ کار شفاف ہونا چاہیے۔