شفقت محمود نے سکولوں کے لیے موسم سرما کی تعطیلات کے حوالے سے ہونے والی میٹنگ کا نتیجہ بتا دیا۔ 

وفاقی وزیر تعلیم شفقت محمود نے منگل کو اعلان کیا کہ تعلیمی اداروں میں موسم سرما کی تعطیلات 25 دسمبر سے 4 جنوری تک ہوں گی۔

ٹویٹر پر جاری اپنے پیغام میں وزیر نے کہا کہ آج وفاقی اور صوبائی سیکرٹریز کی میٹنگ ہوئی اور اس تجویز پر اتفاق کیا گیا کہ موسم سرما کی تعطیلات 25 دسمبر سے 4 جنوری تک ہونی چاہئیں۔ متعلقہ صوبائی حکومتوں سے مزید نوٹیفکیشن جاری کیے جائیں گے۔

قبل ازیں اس بات پر اتفاق کیا گیا تھا کہ موسم سرما کی تعطیلات سے متعلق حتمی فیصلہ بدھ کو نیشنل کمانڈ اینڈ آپریشن سینٹر (این سی او سی) کے اجلاس کے بعد کیا جائے گا۔

 

واضح رہے کہ سندھ حکومت پہلے ہی صوبے کے تعلیمی اداروں میں 20 دسمبر سے 3 جنوری تک موسم سرما کی تعطیلات کا اعلان کر چکی ہے۔

یہ بھی پڑھیں

پنجاب میں سکولوں اور کالجوں کے لیے موسم سرما کی تعطیلات کا اعلان

پنجاب کے محکمہ ہائر ایجوکیشن (ایچ ای ڈی) نے بھی صوبے کے تمام سرکاری اور نجی تعلیمی اداروں میں موسم سرما کی تعطیلات کا اعلان کر دیا ہے۔ سرکاری نوٹیفکیشن کے مطابق پنجاب میں سرد موسم کے باعث 21 دسمبر سے 2 جنوری تک پنجاب کے تمام سکول، کالج اور یونیورسٹیاں بند رہیں گی۔